«Ўзбекистоннинг 7 мўъжизаси» Акцияси Низоми

Акцияни ўтказиш манзили - ZiyoNET таълим тармоғининг “Ўзбекистоннинг маданий мероси” бўлими. Акцияда порталда рўйхатдан ўтган барча фаол фойдаланувчилар иштирок этиши мумкин. Акция ҳақидаги фикрлар ZiyoNET портали, uForum, Facebook, Twitter, Fikr (#merosziyonet ва #7mujizaziyonet хэштэглари остида) интернет саҳифаларида муҳокама қилиб борилади.

1 босқич – рўйхатга қандай объектларни қўшиш ҳақида фойдаланувчилардан таклифлар йиғиш

Ўтказиш вақти – 27 апрелдан – 27 июнгача

Авторизациядан ўтган фойдаланувчилар рўйхатга қўшиш лозим деб ҳисобланган Ўзбекистонда жойлашган ҳар қандай маданий объект ҳақидаги маълумотни “Янги объект таклиф қилиш” махсус шакли орқали жўнатишлари мумкин. Маълумот объектга тегишли фотосурат, тавсиф ва мазкур мерос жойлашган тўлиқ манзилдан иборат бўлиши лозим.

Маълумот бир иш куни мобайнида модерациядан ўтказилгандан сўнг, порталда чоп этилади. Модераторлар таклиф қилинган объект ҳақидаги маълумотлар аниқ ва етарли бўлмаган тақдирда, уларни ўчириш ҳуқуқига эга. Фақат бир тилда таклиф этилган объект ҳақидаги маълумотлар ZiyoNET РМ ходимлари томонидан таржима қилинади (асосий маъноси).

2 босқич – “Ўзбекистон ҳудудларида жойлашган етти мўъжиза”ни аниқлаш ва овоз бериш

Ўтказиш вақти – 29 июндан – 29 июлгача.

Авторизациядан ўтган фойдаланувчилар хоҳлаган объект учун овоз беришлари мумкин - ҳар бир иштирокчи бир суткада бир марта овоз бериши мумкин.

Овоз бериш натижаларига кўра, “Ўзбекистон ҳудудларида жойлашган етти мўъжиза”га тегишли ҳар бир ҳудуддан етакчилар танлаб олинади. Кейинчалик мазкур объектлар навбатдаги “Ўзбекистоннинг етти мўъжизаси”ни аниқлаш қисқа рўйхатига киритилади. Танлов ташкилотчилари танланган қисқа рўйхатга қўшимча объектларни қўшиш ҳуқуқига эга.

3 босқич – “Ўзбекистоннинг етти мўъжизаси”га овоз бериш ва аниқлаш

Ўтказиш вақти – 3 августдан – 3 сентябргача.

Овоз бериш учун қисқа рўйхатга киритилган объектлар рўйхати эълон қилинади. Ҳар бир аторизациядан ўтган фойдаланувчи хоҳлаган объект учун овоз бериши мумкин - ҳар бир иштирокчи бир суткада бир марта овоз бериши мумкин.

Натижаларни ҳисоблаш

Овоз бериш натижаларига кўра, энг кўп овоз олган еттита объект расмий равишда “Ўзбекистоннинг етти мўъжизаси” сифатида танлаб олинади. “Ўзбекистоннинг етти мўъжизаси”сифатида танланган объектлар Акция сўнггида ўтказиладиган тантанали маросимда эълон қилинади.

Ҳомийлик ва ҳамкорлик

Танлов ташкилотчилари Акцияни ўтказиш билан боғлиқ ҳамкорлик масалалари бўйича барча таклифларни қўллаб-қувватлайди ва муҳокама қилади.

Танлов ташкилотчилари Низомга ўзгартириш киритиш ҳуқуқига эга.

Боғланиш учун:

ZiyoNET Ресурс маркази,
UZINFOCOM Компьютер
ва ахборот технологияларини
ривожлантириш ва жорий этиш маркази
тел: +998 (71) 238-4226
e-mail: meros@ziyonet.uz